Kon pwede bisayaon..

Lagtik ang pitik sa iyang dila
arteh kaayo ang pagpa-paak sa diction;
miinat, mikurba ang iyang ngabil
ug bag-ang sa pagyawyaw
sa nationalization,

Theory dinhi, diagram didto,
model dinhi, history kuno
tingali napungot nga naminaw
silang mga naglumlom sa akong
bagul-bagul ug pislat nga ilong kay
miulbo man og kalit ang akong kaspa
(kalaming kawton)
murag migimaw man ang akong kugmo
(kalaming kuuton)
pamati nako murag dili man ingun-nato
ang arti nga pagbawg-bawg sa dila,
kuhaon pa gyud ang tingog sa ilong,
busa nanghangyo ko kay mam
kung pwede unta bisayaon ang nationalization,

arte kaayo ang pagpa-paak sa diction
miinat, mikurba ang iyang ngabil
ug bag-ang nga nagkanayon
“Yow showd lheern engliiiish dong uy!”

Giatay maning di ta magkasinabot uy..