Human ang bisayang pipila ka tuig nagtinagawg

Katong napalgan nako ang uwan
ug karaang lapis sa akong inahan;

Murag gihalingan akong kamot
Murag giungo ang akong dughan;

ang hampak sa hangin
sa among nipang atop
ang lagiti sa kilat sa panganod,
ang hinay-hinayng tunob sa uwan
sa among kisame paingon sa dagway sa
salug namahimong ispirito
nga nagmando sa akong utok,
panuway tingali kay nanglagat man ang
akong mata, nagbula akong baba,
ug nagyamyam sa mga tigmong
pipila ray makasabot..


ug kung imong makaplagan
nga galutaw-lutaw ang akong
kalimutaw samtang nanaghan ang
akong mga kamot ug nagyamyam
sa istoryang yawa o ginoo rapud
ang makahubad;

Ayaw'g katingala
Ayaw'g kakurat
Labaw sa tanan
Ayaw sulayi,
Ayaw kog pugngi,


kay "baka masaksak " taka
luba kung bisayaon pa.