Saturday, December 23, 2006

Kinsa ang Nagpatay kay Fr. Mulong?




















Tsak.Tsak.Tsak! Nagkagubot ang tanan sa pagkuhag hulagway sa panghitabo, iyahay ang mga reporter og kuhag laing-laing anggulo sa patayng lawas sa pari. Pito ka dunggab ang gidawat sa biktima hinungdan sa iyang daling kamatayon, naligo ni sa kaugalingong dugo,ug daghang parte sa iyang lawas ang makit-ang nabun-og ug napangos. Dili lang kay gidiretso og luba ang biktima; gikulata ni, gipabukbok una giluba. Ang gikalibgan sa mga pulis kung nganong nay nakasuwat sa salog nga gaiingong “pauli sa impyernong imong gigikanan” Mangilgig nga panghitabo alang sa tanan, ilabi na sa mga taga simbahan ug sa mga nakauban ni Padre Mulong.

-teaser----

Saturday, December 09, 2006

Telepono



Limang minutong pakikipag-usap
sayo at dahan-dahang bumukas
ng mga bintanang matagal nang
nakapinid, agad kitang inilarawan
sa lumang kisameng
nakatanghod sa akin habang
nag-aabang ng mga salitang
baka mag-iiwan ng pangako,
kagaya marahil ng isang
lumang bahay na pipinturan
sa loob ng limang minuto lang,
nakapagtatakang hinahayaan ko
ngayong mawasak ang mga
pananggalang na kaytagal kong binuo


at sa huli iiwan mo rin pala akong
umiibig sa telepono.


-December 2006-

Wednesday, December 06, 2006

Didto, Punita ang mga Bangka















Nagsagol ang hagsa sa ulan,
krudo, ug luwa sa buak-buak
nga nawong sa karsada,
ug bisan sa kaitum sa lawas
sa kanal sa inyong tugkaran
gihanig gihapon nimo
ang nakum-ot nga pihak
sa mantalaang giputsan
sa ginamos nga sud-an nimo ganina
aron pilu-piluon ngadto
sa gagmay ug dagkong bangka
samtang nagpaabot kang
mutuhak ang nagkagubot
nga dagway sa langit.

Kapila naba nabuak
ang nawong sa karsada
ug pila na ang nasukamod,
ug naligsan dinhi?

Apan nagtuo gihapon kang naay
bangaw nga iluwa ang langit
human sa buno sa iyang kagubot
ug paghagsa sa ulan kay didto …
ra nimo puniton
ang mga gagmay ug dagkong bangka.

-June 2006-