Friday, February 16, 2007

Ang Kapaspas sa Flashdisk




Sa usa ka 512MB’ng USB
nga murag kinatawo nako kadako
katingad-an kaayong nasulod ang akong
kagahapon, kasamtangan ug kaugmaon;

- ang atong mga balak ug sugilanon
nga tuig natong gitipon, usa ka folder

- ang akong terminal reports nga maoy
gapakon nako inig 15:30 usa ka folder

- ang akong mga methods ug findings
nga pila ka bulang gipausab-usab ni propesor,
usa ka folder

- ang akong mga kaguol, kalipay, kakulba
kakuyaw nga mupatik unta sa blogs,
usa ka folder

- ug labaw sa tanan ang atong mga hubong hulagway
ug sex videos, usa ka folder


Kagahapong nagtinanga ko, nabilin nako ni
sa opisina ug nasakpan nimong misuksok
ang akong USB sa laing computer

imo ning gidukdok,gilabay uban sa na-saved
na unta natong kaugmaon.

-February 17, 2007

No comments: