Ang imong kahumot
makapatindog
sa nagkuko
nakong ugat,
makapabungkag
sa tinapok
nakong laway,
ug magakos
sa imong katam-is
ang tab-ang
nakong baba.
ginasupsop nimo,
ginapaak nimo,
ang baog
nakong dila,
hinay-hinay
paingon
ang kalami
sa liog,
ang kalami
sa dughan,
ang kalami
sa tiyan.
Imbis ra
sa tiyan
apil ang
akong pus-on
imong gidilaan
hangtod
ang akong
panumdoman
imong gipalamian.
Ahh, ikaw
Ikaw Vanessa
mura ka og tuba
sulod sa sugong
nga kinahanglan
gyung katkaton
ibabaw sa mga
hakhak sa lubi
nganong sa kahubog
ka ra nako matilawan?
-December 2001-
2 comments:
ahhh, ikaw
ikaw iroll, mura ka ug tuba. makapainit ug lawas. makahubog. hehehe
genius jud ka iroll. as expected, maayo jud ka magdescribe. the bomb jud ka! idol kaayo tika! i am soooo lucky to have known you. grabe jud. ginaworship tika.
wahaha. bukog dont deserve it.. amew man ka nikoy uy. mas the best ang ukaya.. kini kay self-engrossed kaau.
Post a Comment