"thousand island dressing"
Nanimbawot akong balahibong
nakigharong og usap sa sagbot nga lettuce,
akong huna-huna,
murag kanding ramay gakaon
aning sagbota samo,
"hey,google my name pal"
gilad-ok nako murag tuba
ang bula sa kapeng mahal pa sa
bugas ug gas, kung nganong
dili man istriton ang dila,
masakpan pud kaha sa google
nga yungit ning nag-istorya
kung naa ka sa paybstar hotel
mahimamat nimo ang
ang puti,
hap-hap nga puti,
itom,
astang ituma,
gamay'g mata,
talinis ug mata
dako og mata
ug pislat nga ilong.
ang mga pislat og ilong
kung naa sa paybstar
manghiwi ang dila,
mu-slang ang baba
masudlan og dili ingon nato,
" You want sam kopey latey Lors?
Nowp, dyas kaphotsino Mac"
Yamat ra, dili man maliso
ang mga liog ni macario ug loreta.
2 comments:
hey errol!
kumusta uy.
'this your recent poem? lingaw ha. :)
halu errol,
hawod lang japon ka magsulat. padayon!
Post a Comment