unsa ang gidangatan ani)
Makabuta ang pagtuyok-tuyok
sa mga suga sa diskohan,
makalipong ang mga
aso ug sininggitay
sa mga batan-ong
nagdasok murag
bitin nga
nagkiyud-kiyod
ang lawas,
sama sa kuryente
nagtakud-nagtakod
ang kaalegre sa sulod.
“rock baby rock, rock baby”
“so why do you build me up buttercup
baby just to let me down”
nagdalugdog ang kakusog
sa tugtog kay gusto man
nato ang “rock ug rap”
“love soft as an easy chair
love fresh as the morning air, Stupid!”
Dinhi sa dapling bahin
miawas ang sulod sa
akong gibitbit nga Coke
murag dughan nakong
ganina rang gikulbaaan
Miingon ka
“mabdos kog duha ka bulan
apan dili ikaw ang amahan.”
“one love that is shared by two I have found in you, Stupid.”
-July 2005-
1 comment:
one of my favorites. the best jud ni. funny and sad at the same time.
Post a Comment