Beach Collage - Midway-Iligan

 
______________________________

Ikaw ang tiyan
ug ako ang sampot


ang imong gininhawaan,
ang imong hinunghongan,
hastang makapahinam
sa akong gingbatian.

ang imong pagpanguhit
daw kalami nga
makapaak ko sa akong ngabil
inubanan sa hilom
kong pag-utong.

kanang imong pagpadayag
sa imong gibati,
kanang imong tinigom nga
pagpalami,
dili ko gyud mabalibaran
sa kahinam
ug busa,

Kanunay,
ikaw ang akong kauban
sa ngitngit nga daplin.
Kanunay,
tang magadakpanay
sa sagingan,
kamaisan,
kalubin-an,
ug usahay sa
daplin sa sapa, samtang…

Manggilipayon kitang
gisawhan sa mga
unas sa saging,
pakaw sa mais,
bunot sa lubi ug,
mga dagkong bato.

Daghang tuig
na ang milabay
ug kita sama gihapon nga,

ikaw ang tiyan ug
ako ang sampot.

- October 2001-